FEGA PC Solicitude de Rexistro de Usuario

Formulario de solicitude de rexistro FEGA-PC
CLÁUSULAS LEGAIS FEGA-PC WEB

IMPORTANTE: ISTO É UNHA LICENZA, NON UNHA VENDA. ESTE CONTRATO DE LICENZA DE USUARIO FINAL É UN CONTRATO LEGAL ENTRE VOSTEDE (ASOCIADO) E FEGASINEL, (APIEL, ASINEC, INTALECTRA E INSTALECTRO)  QUE REGULA AS OBRIGAS DO ASOCIADO RESPECTO AO SOFTWARE E A SÚA UTILIZACIÓN. LEA DETIDAMENTE ESTE CONTRATO ANTES DE UTILIZAR ESTE SOFTWARE. A INSTALACIÓN, COPIA OU CALQUERA OUTRA FORMA DE USO DESTE SOFTWARE SIGNIFICARÍA QUE RECOÑECE TER LIDO ESTE CONTRATO E ACEPTA OS SEUS TERMOS.

LIMITACIÓNS
É posible que, para recibir ampliacións, o asociado deba aceptar condicións alternativas ou adicionais, ademais das establecidas no presente contrato. No caso de que FEGASINEL non estableza condicións de licenza adicionais para unha ampliación determinada, aplicaranse a dita ampliación as mesmas condicións de licenza que ao software. Ningunha disposición deste contrato podería interpretarse como unha garantía, implícita nin explícita, de que se desenrolen ampliacións para os productos de FEGASINEL e, en caso de que se desenrolen, de cando saldrían á venta ditas actualizacións.

ACTUALIZACIÓNS
FEGASINEL podería,a súa discreción, crear e por a disposición gratuíta do asociado unha ou varias correccións de erros, melloras de parches, versión de substitución e demais actualizacións para o software (en adiante, colectivamente, 'Actualizacións'). É posible que, para recibir estas actualizacións, o asociado deba aceptar condicións alternativas ou adicionais, ademais das establecidas no presente contrato. En caso de que FEGASINEL non estableza condicións de licenza adicionais para unha actualización determinada, aplicaranse á dita actualización as mesmas condicións de licenza que ao software. Ningunha disposición deste contrato podería interpretarse como unha garantía, implícita nin explícita, de que se desenvolverían actualización para os produtos de FEGASINEL ou, no caso de que se desenvolvan, cando sairián á venda as ditas actualizacións.


SOFTWARE DE PROBA
Se FEGASINEL identifica un software como 'de proba' ou similar, o asociado unicamente podería empregalo para fins de avaliación e non de produción. Os dereitos de licenza do asociado sobre ese software expirarían o último día do periódo especificado no software. No momento en que expire o dito periódo de proba, a licenza do asociado para empregar o software expiraría tamén, a menos que o asociado adquira unha versión completa do software. O asociado comprométese a non intentar sortear a tecnoloxía que controla a data de expiración nin a bomba de tempo nin ningún outro mecanismo de restrición do software de proba, xa que o dito intento constituiría unha vulneración do contrato por parte do asociado.


LICENZAS TEMPORAIS
O software concédese como unha licenza temporal de doce meses. A licenza para o uso do software polo asociado (e o mantemento, no seu caso) caducaría a finais do periodo de tempo designado.
Igualmente, a licenza expiraría no momento en que o asociado perda a súa condición como tal nalgunha das asociacións integrantes de FEGASINEL. Do mesmo xeito sucedería no momento en que a asociación pertencente a FEGASINEL deixe de pertencer a esta Federación.
No caso de devolución das cotas correspondentes de pertenza á asociación, a licenza de autorización deste software quedaría suspendida ata a regularización das mesmas.


LIMITACIÓN DE RESPONSABILIDADES
Exímese de responsabilidade a FEGASINEL así como ás asociacións que a conforman do fallo do software; da mesma maneira que da interrupción do funcionamento por un tempo determinado non sendo responsabilidade de FEGASINEL as posibles erratas ou fallos na redacción da documentación ou no enlace coa Xunta de Galicia ou aquelas Administración coas que se poida interactuar.


RESCISIÓN DO CONTRATO
Unha vez finalizado o periódo da licenza, o asociado non podería acceder á documentación elaborada mediante o software podendo ser borrada por FEGASINEL no momento que considere oportuna.

O mesmo sucedería en caso de interrupción temporal do servizo ou perda de licenza por calquera das causas estipuladas.


CLÁUSULAS LEGAIS LOPD FEGA-PC WEB

Aviso de obrigada aceptación antes de descargar software

FEDERACIÓN GALEGA DE ASOCIACIÓNS DE INSTALADORES ELÉCTRICOS E DE TELECOMUNICACIÓNS  respecta a lexislación vixente en materia de protección de datos persoais e comprométese ao cumprimento da normativa establecida na Lei orgánica 15/1999, do 13 de decembro de protección de datos de carácter persoal e o seu regulamento de desenvolvemento, RD 1720/2007, do 21 de decembro, a cuxo efecto fai constar que os datos persoais do serán incorporados indistintamente aos ficheiros automatizados e/ou manuais titularidade de FEDERACIÓN GALEGA DE ASOCIACIÓNS DE INSTALADORES ELÉCTRICOS E DE TELECOMUNICACIÓNS, e cuxas finalidades son: xestión de asociados, facturación, xestión contable e fiscal, xestión comercial e realización de orzamentos, xestión laboral, xestión de formación, xestión de tramitacións e xestión de publicacións.

Mediante a utilización desta aplicación producirase unha cesión de datos persoais de terceiros que esixe o previo consentimento do interesado e que será comunicada debidamente polo ASOCIADO aos seus clientes.

O ASOCIADO autoriza expresamente a recollida e tratamento por parte da FEDERACIÓN GALEGA DE ASOCIACIÓNS DE INSTALADORES ELÉCTRICOS E DE TELECOMUNICACIÓNS dos datos necesarios para a correcta de datos necesarios para o funcionamento desta aplicación.

O ASOCIADO pode exercer os seus dereitos de acceso, rectificación, cancelación ou oposición ao tratamento nos termos e condicións previstos pola lexislación de protección de datos vixente en cada momento, mediante un escrito  (débese achegar copia do DNI): FEDERACIÓN GALEGA DE ASOCIACIÓNS DE INSTALADORES ELÉCTRICOS E DE TELECOMUNICACIÓNS. C/ Príncipe 22 5ª planta, 36202 Vigo (Pontevedra).
Captcha
Acepto as condicións de uso (Prema aquí para ler as condicions de uso)